As miñas vacacións.

O 24 de xullo marchei, o 1 de agosto volvín, mais a onde fun?
Un lugar ao norte de Europa, de alí son típicos os tulipáns, os muíños e o queixo, mais tamén fun a outros lugares preto dos que son típicos o chocolate e as salchichas respectivamente. Sabedes de que falo non?
Claro que si, o meu "hotel" estaba en Amsterdam (capital de Holanda), tamén fun a Bruxelas (capital de Bélxica) e a Colonia (Alemaña).

Espertei cedo na miña cama sabendo que por nove días non estaría aquí, contenta e animada vestinme, e marchamos a coller o voo A Coruña-Madrid-Amsterdam. Se antes dicía que o sitio mais fermoso que visitara fora Londres agora penso que é Amsterdam. Cando decides viaxar a un lugar semellante non sabes como vai ser nen que vas facer, pero mirade chegamos o venres e non sabiamos nada, nen onde comer, pero ao día seguinte sentiámonos amsterdaneses de puro sangue, isto débese a que todos son moi amables e a cidade aínda que grande é moi acolledora e fácil de percorrer. O mellor que fixemos foi ir aos sitios onde van eles, ver o que eles ven, pensar como eles e movernos nos seus transportes, a bicicleta, por exemplo.

As casas son moi bonitas, non hai edificios altos e todas coa súa forma típica,
quedaría a vivir alí.

Tamén fixemos excursións a Amberes, Bruxelas e Colonia. Demos paseos en barco polo canais da venecia do norte: AMSTERDAM.

Un lugar polo que chorei , co que rín e ao que amei, volverei ...

Interinformativos

Xa vedes, incluso sae na tele o meu blogue. Un día encendes o voso televisor e falan de vós !

Divertídevos !

Os unicornios

Os unircornios son seres míticos e fantásticos protagonistas de diversas lendas. Na Idade Media estaban considerados como un animais maravillosos capaces de derrotar a un elefante. Ademais, dicíase que co seu único corno podían purificar as aguas contaminadas para volvelas potables. Vivían solitarios e moi esquivos, aínda que igualmente agresivos, por iso a súa caza é díficil. Os nobres daqueles tempos contrataban aos máis experzos furtivos indios para darlles caza. Eu persoalmente nunca tiven a sorte de atoparme con un só unha vez nun videoxogo observei os seus hábitos nos bosques !
Se queredes saber máis clicade na imaxe.

Día do libro

Viches algunha vez a un peixe recitando "El Quijote"? Clica na imaxe... Feliz día do libro!

O blogue de Hugo

Hugo ten un blogue que arrasa, cos seus gustos musicais e as súas opinións chegará ao máis alto, polo de pronto vós visitádeo, clicando no seu nome, e non vos arrepentiredes!

Semana Santa

Ola a tod@s, hoxe ao espertar na miña cama e abrir os ollos non vin os meus pais ao meu carón, nin o sol no alto do ceo, nin sequera o arrecendo do almorzo buffet. Diredes, pero por que ías ver esas cousas na túa propia casa ? Iso débese a que esta semana estiven en Gran Canaria, unha illa do arquipélago canario a dúas horas e media en avión desde Santiago de Compostela.
Pero xa rematou todo, só quedarán na miña memoria os baños interminables nas cristalinas aguas das praias e as vistas do océano desde o ascensor panorámico do hotel. Todo termina e empeza de novo , pero hoxe, domingo de resurrección para min non é o mesmo, non teño ganas de nada. Só penso, mentres as lágrimas escorregan polas miñas meixelas, que a esas horas estaría torrándome ao sol de alá. Dado a súa proximidade ao deserto do Sáhara e ao Trópico de Cáncer, o verán xa chegou polas terras canarias. Mais onte cando cheguei de volta ao aeroporto, regresei de súpeto ao inverno galaico, con 8 graos e chubasqueiro deixei atrás o recordo da mañá en vestido de manga sisa e bañador na praia de Amadores (vémola baixo).Todo rematara. Ata a próxima.


Nos seguintes post que publicarei , poñerei as fotos máis bonitas e as anécdotas máis divertidas. Espero que vos gusten e vos animedes a visitar esta preciosa illa con forma de vieira que flota no medio do Atlántico.

Littlest Pet Shop

Estes animaliños deformados e con movento da cabeza conseguirán sacar o neno que levamos dentro, a súa ollada enternecerá a nosa alma e non seremos capaces de deixar de xogar con eles!
No mercado hai desde xogos para videoconsolas, Pc, peluches interactivos, cromos, coleccionables ata as indiscutibles figuriñas xa coñecidas en todo o mundo.
No meu fogar teño nada menos que 61 animais cos seus respectivos accesorios e parques.
Animádevos a xogar con eles, xa veredes que ben o pasades !

Slumdog Millionaire

O día antes de que se anuncianran os Oscars, fun ver a película Slumdog Millionaire, que recibiu 8 premios dos 10 aos que estaba nominada:

• Mellor película.
• Mellor director.
• Mellor Banda Sonora.
• Mellor canción.
• Mellor guión adaptado.
• Mellor fotografía.
• Mellor montaxe.
• Mellor son.

Tamén posúe catro globo de ouro.

Trata sobre un neno, Jamal Malik , que vive nun barrio pobre de Mumbai. Preséntase a un concurso na televisión (o mundialmente coñecido "¿Quién quiere ser millonario?") e cando chega a última pregunta a policía arréstao por un posíbel fraude, e el explica como sabía cada unha das respostas relacionándoo cunha experiencia da súa vida. Ao final consegue o amor que ansiaba.

Para min é unha das mellores películas que vin nos últimos anos. É moi dura e triste, nela vense reflexados moitos problemas da vida na India: a mafia de nenos, a morte, a pobreza e outros asuntos que desgarran o noso corazón. Despois de chorar e asustarse polas distintas situacións, poderemos disfrutar dun final de amor e felicidade. Non está recomendada para menores de 13 anos, pero como vedes, eu non fixen nin caso! O certo é que un ano máis ou menos vén dando igual pero eu tampouco a recomendo a nen@s pequenos.
Reconméndoa a toda ás persoas as que lles interese saber a dura realidade, a quen lle gusten os dramas romámticos e sobre todo a esa xente que quere pasar un bo rato vendo unha película cun gran paquete de flocos de millo!